ЦААСАН ШУВУУ

Даарч хөрөх болон стрессийн нөлөөгөөр гар хөлийн үзүүрийн судас агшсаны улмаас хөхрөх, цайх, бадайрах гэх мэт шинж тэмдэг илрэх ба үүнийг Райнауд шинж гэнэ. Анхдагч ба хоёрдогч Райнауд шинж гэж байх ба ялган оношилох хэрэгтэй. Анхдагч Райнауд шинж нь бие даасан өвчин бөгөөд бусад өвчинтэй холбоогүй бол хоёрдогч Райнауд шинж нь ихэвчлэн системийн холбогч эдийн өвчний үед илрэнэ. Хэрвээ танд болон таны гэр бүлийн гишүүнд ийм шинж илэрвэл мэрэгжлийн эмчид хандаж бусад оношилгоо хийлгэхийг зөвлөж байна.

“Нарны витамин” гэж нэрлэгдэх витамин-Д нь бидний биед нарны гэрлийн нөлөөгөөр нийлэгжиж байдаг. Хэрэв витамин-Д гийн хомсдол үүсвэл зүрх судас, чихрийн шижин өвчин болон төрөл бүрийн хавдар өвчний явцыг түргэсгэх муу нөлөөтэй . Тэгвэл олон улсын шинжээчид витамин-Д бэлдмэлийн астма өвчинд эерэг нөлөөтэй болохыг баталжээ. Витамин-Д нь амьсгалын замын агаарын урсгалыг сайжруулах, уушгины үйл ажиллагааг дэмжих, уушгин дахь үрэвслийн нөлөөгөөр үүсэх уургийн нийлэгжилтийг саатуулах нөлөөтэй учраас астма өвчний эмчилгээнд зүй ёсоор орж байна. Зуны дэлгэр цагаас илүүгээр өвлийн улиралд хүмүүс витамин-Д гийн хомсдолд орох нь элбэг байдаг. Ялангуяа Монголд өвлийн улиралд агаар дахь утааны хэмжээ хэд дахин нэмэгдэх учраас астма болон бусад амьсгалын замын өвчин дордох хандлагатай байдаг. Иймээс мэрэгжлийн эмчтэй зөвлөж, зохих тунгаар витамин-Д бэлдмэлийг авах нь эрүүл мэндэд тустай. Мөн витамин-Д нь загас сүү цагаан идээ, өндөгөнд агуулагдаж байгаа.